Türkmenistanyň Kärdeşler arkalaşyklarynyň welaýat birleşmesiniň guramagynda Dänew etrabynyň medeniýet öýünde Türkmenistanyň Konstitusiýasynyň we Döwlet Baýdagynyň güni mynasybetli dabaraly maslahat geçirildi. «Konstitusiýa we Döwlet Baýdagy ýurdumyzyň esasy daýanjydyr» diýen at bilen guralan bu maslahata Türkmenistanyň Mejlisiniň deputatlary, harby we hukuk goraýjy edaralaryň, syýasy-jemgyýetçilik guramalarynyň wekilleri we bilim, medeniýet ulgamlarynyň işgärleri gatnaşdylar. Maslahatyň dowamynda döwlet gurluşynyň esasy ugurlaryny kesgitleýän we demokratik ýörelgelerini özünde jemleýän Baş Kanunymyzy kämilleşdirmek boýunça Türkmenistanda geçirilýän konstitusion özgertmeleriň ähmiýeti dogrusynda gürrüň edildi.