Ozal habar berşimiz ýaly, «Türkmenistan» awiakompaniýasy Aziýa we Ýewropa ýurtlaryna ýük howa gatnawlaryny artdyrmagy meýilleşdirýär. Has dogrusy, şu ýylyň maý aýyndan başlap, Aşgabat — Brno — Aşgabat, Brno — Hanoý, Brno — Seul, Hanoý — Moskwa (Şeremetýewo), Hanoý — London, Hanoý — Stambul, Hanoý — Frankfurt ugurlary boýunça ýük howa gatnawlaryny amala aşyrmagy meýilleşdirýär. Bu howa gatnawlar ýakynda Türkmenistana getirilen «Airbus 330-200» kysymly «P2F» görnüşli täze ýük uçarlarynda amala aşyrylar. Ýeri gelende bellesek, 26-njy aprelde Aşgabat — Inçhon — Aşgabat ugry boýunça ilkinji ýük howa gatnawy amala aşyrylypdy. Türkmen we koreý şäherleriniň arasyndaky ilkinji ýük howa gatnawy täze satyn alnan «A330-200» kysymly ýük uçarynda ýerine ýetirildi.