28-29-njy aprelde Koreýa Respublikasynyň Kýongido welaýatynyň Yýjonbu şäherinde Merkezi Aziýa filmleriniň festiwaly geçiriler. Oňa Merkezi Aziýa ýurtlarynyň, şol sanda Türkmenistanyň Oguzhan adyndaky «Türkmenfilm» birleşiginiň üç filmi — Arslan Eýeberdiýewiň «Istärin», Sahysalyh Baýramowyň «Gyzyl kürte» we Hekim Alowowyň «Gyzyl alma» filmleri hödürlendi. 28-nji aprelde Şinhan uniwersitetinde festiwalyň açylyş dabarasy geçirilip, filmleriň görkezilişi Şinhan uniwersitetiniň gimnaziýasynda we ýerli kinoteatrlarda bolar. 29-njy aprelde Merkezi Aziýanyň bäş ýurdunyň — Türkmenistanyň, Gazagystanyň, Gyrgyzystanyň, Täjigistanyň we Özbegistanyň hem-de ýörite çagyrylan üç ýurduň — Azerbaýjanyň, Mongoliýanyň we Indoneziýanyň filmleri görkeziler. Bu ýurtlaryň wekilleri dürli žanrlardan iň gowy işlerini, şol sanda ýaňy-ýakynda Koreýanyň Pusan şäherinde geçirilen Halkara kinofestiwala gatnaşan filmleri görkezerler.