Prezident Serdar Berdimuhamedow ýurdumyzda iş saparynda bolýan Ysraýyl döwletiniň daşary işler ministri Eli Koeni kabul etdi. Bu barada Ysraýylyň «Kaan News» habarlar agentligi mälim edýär. Duşuşygyň barşynda Prezident Serdar Berdimuhamedow Türkmenistanyň Ysraýyl döwletindäki ilçihanasyny açmagyň mümkinçilikleriniň öwrenilýändigini mälim etdi. Eli Koen çarşenbe güni agşam iş sapary bilen Aşgabada geldi. Ol paýtagtymyzyň Halkara howa menzilinde Türkmenistanyň daşary işler ministriniň orunbasary Berdinyýaz Mätiýew tarapyndan mähirli garşy alyndy.