Şu gün — 20-nji aprelde Türkmenistanyň Daşary işler ministrliginiň binasynda Raşid Meredowyň Ysraýylyň ýurdumyzda saparda bolýan daşary işler ministri Eli Koen bilen duşuşygy boldy. Bu barada Ysraýylyň daşary işler ministri Eli Koen özüniň «Twitter» hasabynda mälim edýär. Duşuşygyň barşynda Türkmenistanyň we Ysraýylyň arasynda diplomatik gatnaşyklary giňeltmegiň mümkinçilikleri ara alnyp maslahatlaşyldy. Howpsuzlyk, energetika, tehnologiýa, oba hojalygy we başga-da birnäçe ugurlarda hyzmatdaşlyk boýunça özara pikir alşyldy. Şu gün Prezident Serdar Berdimuhamedowyň Ysraýylyň daşary işler ministri Eli Koeni kabul edendigini owal habar beripdik. Türkmenistana iş saparynyň çäginde, ministr Eli Koeniň Ysraýyl döwletiniň ýurdumyzdaky ilçihanasynyň açylyşyna gatnaşmagyna garaşylýar.