14-nji aprelde Russiýa Federasiýasynyň Dagystan Respublikasynda zenanlaryň halkara ykdysady forumy öz işine başlady. Oňa Russiýadan, Eýrandan, Gyrgyzystandan, Gazagystandan, Özbegistandan, Azerbaýjandan, Gruziýadan we Türkmenistandan zenan işewürleriň 500 töweregi gatnaşýarlar. Zenanlaryň halkara ykdysady forumynda işewürlik, syýasy ugurlarda zenanlaryň mümkinçiliklerini ýokarlandyrmak boýunça meseleler ara alnyp maslahatlaşylýar. 3 günläp dowam etjek foruma gatnaşýan döwletleriň arasynda zenan işewürleriň senagat, maýa goýum we ulag-kommunikasiýa pudaklarynda hyzmatdaşlygyny berkitmäge aýratyn üns berilýär. Halkara çärede geljek ýylda geçiriljek zenanlaryň 4-nji Ýewraziýa forumyna taýýarlyk görmegiň meseleleri hem ara alnyp maslahatlaşylýar. Forumyň jemleýji güni medeni çärelere baý bolar. Şu gün — 16-njy aprelde foruma gatnaşyjy zenanlar Dagystanyň meşhur şahyry Resul Gamzatowyň ömri we döredijiligi bilen ýakyndan tanyş bolarlar we gezelenç guralar.